GWESTY VICTORIA
Mae'r Vic yn cael ei redeg gan deulu ac fe gewch yno lety gwych, bwyd ardderchog a chroeso cynnes iawn.
Beth am ddod yn gynnar a mwynhau pryd o fwyd, ar gael o 6pm ymlaen, neu hyd yn oed aros noson?
Gwybodaeth/Cadw lle: vicmenai.com
Ffôn: 01248 712309
Gwesty Victoria
Porthaethwy
Ynys Môn
LL59 5DR
Maes parcio mawr a lle parcio cyhoeddus yn Stryd y Paced gyferbyn
Gallwch brynu tocynnau ymlaen llaw
Tocynnau a gwybodaeth: 01745 812260
Peidiwch a cholli
ALAN BARNES A'R
THE BROWNFIELD / BYRNE QUINTET
Dechrau am 8:30pm
Mynediad £8, Gostyngiadau £7
Aelodau o Undeb y Myfyrwyr a Phlant Ysgol £3
Rydyn ni’n sicr o gael noson wych o jazz yn y Vic yng nghwmni’r sacsoffonydd o fri rhyngwladol, Alan Barnes, a’r pumawd jazz ifanc disglair dan arweiniad trwmped/sax.
Mae ALAN BARNES
wedi ennill adrannau sax alto a chlarinet Gwobrau Jazz Pryain bum gwaith a’r adran sax bariton dair gwaith. Mae ganddo lu o recordiadau fel blaenwr, gyda’r pianyddion Brian Lemon ar label Zephyr a Dave Newton ar Concord Jazz, a gydaKenny Baker, Bob Wilber, Stan Tracey, the Tina May Trio a Tenor Madnessgyda Spike Robinson.
Bu Alan yn chwarae gyda Band Humphrey Lyttelton, y BBC Big Band, Cerddorfa Radio y BBC a Clark Tracey’s Tribute to Art Blakey, a rhwng 1987 a 1997 bu’n flaenwr yPizza Express Modern Jazz Sextet, gyda Gerard Presencer a Dave O’Higgins. Yn 2001 a 2006, cafodd ei ddewis yn Offerynnwr Jazz y Flwyddyn y BBC a bu’n chwarae ar albwm“Cannonball” y Don Weller Band a enillodd wobr Albwm y Flwyddyn yng Ngwobrau Jazz Prydain. Mae Alan yn gerddor amryddawn iawn sy’n eithriadol o boblogaidd mewn gwyliau ledled Prydain ac mae wedi perfformio gyda Selina Jones, Bjork, Van Morrison,Clare Teal, Jamie Cullum a Bryan Ferry. Yn y blynyddoedd diwethaf, mae wedi bod ar sawl taith yn yr Unol Daleithiau, De Affrica ac Ewrop.
Dau gerddor ifanc dawnus o Ogledd Cymru, Jamie Brownfield (trwmped) a Liam Byrne (sax), yw blaenwyr y BROWNFIELD / BYRNE QUINTET. Maen nhw’n rhoi naws ffres ac ifanc i glasuron a ffefrynnau bebop o gyfnod Blue Note y 40au a’r 50au ac ychydig o ganeuon bywiog y 30au.
Mae’r trwmpedwr JAMIE BROWNFIELD wedi ennill gwobr y Rising Star yng Ngwobrau Jazz Prydain. Ymhlith ei ddylanwadau mae Clifford Brown a Wynton Marsalis ac mae’n chwarae mewn pob math o arddulliau ar gyfer y trwmped jazz. Bu LIAM BYRNE, sax tenor, yn astudio yn Ysgol Gerdd y Guildhall. Mae ganddo dôn ddofn soniarus ac mae’n ennill enw da iddo’i hun ym myd y sacsoffon tenor jazz. Ymhlith ei ddylanwadau mae Lester Young, Coleman Hawkins a Sonny Rollins. Mae tri cerddor ifanc dawnus arall yn aelodau o’r Brownfield/Byrne Quintet: ANDY HULME (gitâr), ED HARRISON (dwbl bas) a JACK COTTERILL (drymiau).
Yn ôl Dave Gelly yn y Guardian, mae arddull a sain y pumawd yn “crisp, polished and full of life, playing some of the tastiest tunes from the days of bebop, swing and even before”. Cawn flas o hynny ar eu CD diweddaraf, “BBQ” sy’n cynnwys trefniannau dyfeisgar gan Liam. Mae’r cyngerdd hwn ganddynt, yng nghwmni Alan Barnes,yn addo bod yn noson wych o gerddoriaeth.